මහා පරිමාණ මුදල් වංචා සිදුකර ඉන්දියාවට පලාගොස් සිටි සැකකරුවන් තිදෙනෙකු අපරාධ පරීක්ෂණ දෙපාර්තමේන්තුවේ මැදිහත්වීමෙන් මෙරටට ගෙන්වාගෙන ඊයේ (03) කටුනායක ගුවන් තොටුපළේදී අත්අඩංගුවට ගෙන ඇත.

පුත්තලම ප්‍රදේශයේ පදිංචිකරුවන් වන මොවුන් දැනට පවතින අපරාධ නඩු කිහිපයකටම වරෙන්තු නිකුත් කර ඇත.

ඔවුන්ට අදාළ අපරාධ සම්බන්ධයෙන් පොලිසිය නිකුත් කළ නිවේදනය පහතින්

බස්නාහිර, සබරගමුව සහ වයඹ පළාත්වලත් නුවරඑළිය, මහනුවර, ගාල්ල සහ මාතර දිස්ත්‍රික්කවලත් සිහින් වැසි වාර කිහිපයක් ඇතිවිය හැකි බව කාලගුණ විද්‍යා දෙපාර්තමේන්තුව අද නිකුත් කළ කාලගුණ වාර්තාව මගින් පවසයි. 

එම වාර්තාව පෙන්වා දෙන්නේ ඌව පළාතෙත් අම්පාර සහ මඩකලපුව දිස්ත්‍රික්කවලත් සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බව ය.

මධ්‍යම කඳුකරයේ බටහිර බෑවුම් ප්‍රදේශවලත් උතුරු, උතුරු-මැද සහ වයඹ පළාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් විටින් විට හමන පැ.කි.මී. (30-40) ක පමණ තරමක තද සුළං ඇතිවිය හැකි බව ද වාර්තා වේ සඳහන් වෙයි. 

රාගම බටුවත්ත ප්‍රදේශයේ අද (3) රාත්‍රියේ සිදුකළ වෙඩිතැබීමකින් පුද්ගලයකු මියගොස් ඇතැයි පොලිසිය පවසයි.

මෙලෙස මියගොස් බටුවත්ත ග්‍රාම සංවර්ධන මාවතේ නිවසක පදිංචිව සිටි ගණේමුල්ල සංජීවගේ සමීපතමයකු වන ‘ආමි උපුල්’ නම් අවුරුදු 45ක් වයසැති හමුදා සේවයේ සිටි පුද්ගලයකු බව වාර්තා වෙයි.

ත්‍රිරෝද රථයකින් පැමිණි දෙදෙනෙකු පිස්තෝල වර්ගයේ ගිනිඅවියකින් මෙම වෙඩිතැබීම සිදුකර පලාගොස් ඇති බව පොලිසිය සඳහන් කරයි.