එළඹෙන ජනවාරි මාසයේදී විදුලි ගාස්තුව සඳහා සැලකිය යුතු සහනයක් ජනතාවට ලබා දීමට කටයුතු කරන බව විදුලි බල හා බලශක්ති අමාත්ය කංචන විජේසේකර පවසයි.
අමාත්යවරයා මේ බව සඳහන් කළේ, ශ්රී ලංකා පොදු ජන පෙරමුණේ නාවලපිටිය ආසන බල මණ්ඩල රැස්වීම අමතමිනි.
එහිදී වැඩිදුරට ත් අදහස් දැක්වූ අමාත්යවරයා…
“ජනවාරි පළවෙනිදා විදුලි සංශෝධනය වෙනුවෙන් තියෙන යෝජනාව නොවැම්බර් මාසේ දෙනවා. දැන් ජූලි මාසේ සංශෝධනයෙන් යම් කිසි ප්රමාණයක් අඩු වෙනවා. අවම මට්ටමේ විදුලි භාවිත කරන ඒකක 0-30, 30-60, 60-90… ඒ පිරිස්වල 27%කින් විදුලි බිල අඩු කරන්න අපි යෝජනා කරලා තියෙනවා. අපි තව එක පියවරක් තියනවා ජනවාරි මාසේ. මේ යන වැඩපිළිවෙළ ස්ථාවර කිරීමේ වැඩපිළිවෙළ ගෙනියලා, අපිට ඊට වැඩිය දැනෙන සහනයක් ජනවාරි මාසයේ විදුලි බිල වෙනුවෙනුත් අපි ලබා දෙන්න කටයුතු කරනවා.”