ආහාර සුරක්ෂිතතාව තහවුරු කිරීමට අදාළව ප්රතිපත්තිමය තීන්දු ගැනීම සඳහා කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල් කාන්ත, වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ ඇතුළු ආහාර ප්රතිපත්ති හා සුරක්ෂිතතා කමිටුවේ සාමාජිකයෝ පළමු වරට ජනාධිපති කාර්යාලයේදී රැස්වී තිබේ.
සියලුම පුරවැසියන් සඳහා සුරක්ෂිත, සෞඛ්යාරක්ෂිත සහ තිරසර ආහාර පද්ධතියක් සහතික කරලීමේ රජයේ ප්රතිපත්තිය සාක්ෂාත් කර ගැනීමට අදාළ ක්රියාමාර්ග ගැනීම ආහාර ප්රතිපත්ති හා සුරක්ෂිතතා කමිටුවේ අරමුණ බවය.
ආහාර සුරක්ෂිතතාව තහවුරු කිරීමට අදාළ ප්රතිපත්ති තීරණ ගැනීමේදී නිරවද්ය දත්ත හා තොරතුරු ඉතා වැදගත් බවත්, ඒවා නොමැතිව තීරණ ගැනීමේ අවදානම තවදුරටත් දැරීමට රජය සූදානම් නැති බවත්, නිවැරදි දත්ත හා තොරතුරු පද්ධතියක් සකස් කිරීමට ඉහළ ප්රමුඛතාවයක් ලබාදෙන බවත් මෙහිදී අවධාරණය කර තිබේ.
මේ සම්බන්ධයෙන් නිකුත් කළ නිවේදනය පහතින්.
(චම්ලි බලල්ල)
