ජනාධිපති මාධ්ය ඒකකයේ තිබී පසුගිය කාලයේ අස්ථානගත වූ ඇතැම් භාණ්ඩ සම්බන්ධයෙන් විමර්ශනයක් ආරම්භ කර තිබෙන බව අපරාධ පරීක්ෂණ දෙපාර්තමේන්තුව කොළඹ කොටුව මහේස්ත්රාත් අධිකරණයට දැනුම් දී තිබේ.
ඒ අනුව ලද පැමිණිල්ලකට අනුව මෙම විමර්ශන කටයුතු ආරම්භ කර තිබෙන බව එම දෙපාර්තමේන්තුව අධිකරණයට දැනුම් දී ඇත.
මෙම සිද්ධියට අදාළව ප්රසම්පාදන නිලධාරියාගෙන් ප්රකාශ ලබාගෙන ඇති අතර, මෙම භාණ්ඩ භාරගත් අයගෙන් ප්රකාශ ලබාගැනීමට නියමිත බවයි සඳහන් වන්නේ.
විමර්ශනවල ප්රගතිය ඉදිරියේ දී අධිකරණයට ඉදිරිපත් කිරීමට කටයුතු කරන බවද අපරාධ පරීක්ෂණ දෙපාර්තමේන්තුව විසින් අධිකරණයට වැඩිදුරටත් දැනුම්දී තිබේ.
(චම්ලි මදුහංස)
