සංචාරක ශ්‍රී ලංකා කණ්ඩායමට අන්ත පරාජයක් අත්කර දීමට සත්කාරක දකුණු අප්‍රිකා කණ්ඩායම අද (30) සමත් විය.
ඒ් ශ්‍රී ලංකාව සමග පැවැති පළමු ටෙස්ට් ක්‍රිකට් තරගය ලකුණු 233කින් ජය ගැනීමෙනි. අද දිනය ආරම්භ කරන විට ලකුණු 516ක ඉලක්කයක් හඹා යන ශ්‍රී ලංකා කණ්ඩායම සිය දෙවන ඉනිම සඳහා කඩුලු 5ක් දැවී ලකුණු 103ක් ලබා සිටියේය.
අද දිනයේ දී බිඳවැටුණු ශ්‍රී ලංකා දෙවන ඉනිමට යම් බලාපොරොත්තුවක් ඒක් කිරීමට දිනේෂ් චන්දිමාල් සහ නායක ධනංජය ද සිල්වා ක්‍රීඩා කළ අතර, ඒ් 6වැනි කඩුල්ලට ලකුණු 95ක සබඳතාවක් ගොඩනගමිනි.
චන්දිමාල්ගේ සහ ධනංජයගේ සබඳතාව බිඳ වැටුණේ දිනයේ පළමු කඩුල්ල ලෙස නායක ධංජය ද සිල්වා ලකුණු 59කට දැවී යෑමත් සමග ය.
මෙම ජයත් සමග දකුණු අප්‍රිකාව තරග දෙකකින් සමන්විත තරගාවලිය එකට බින්දුවක් ලෙස පෙරමුණ හිමිකර ගැනීමට සමත්ව තිබේ.
(මානෙල් රත්නායක)
