උඩරට දුම්රිය මාර්ගයේ බදුල්ල සහ බණ්ඩාරවෙල අතර දුම්රිය මාර්ගයට බාධා මතුව ඇති බව දුම්රිය දෙපාර්තමේන්තුව පවසයි.
ඒ බදුල්ල සහ බණ්ඩාරවෙල අතර දුම්රිය මාර්ගයට පස් කඳු සහ ගල් කඩා වැටීම හේතුවෙනි.
මේ අතර පවතින අයහපත් කාළගුණ තත්ත්වය හේතුවෙන් බදුල්ල දිස්ත්‍රික්කයේ මාර්ග කිහිපයක් අවහිරව වී තිබේ.
ඒ අනුව බදුල්ල බණ්ඩාරවෙල මාර්ගයේ උඩුවර කිරිමණ්ඩලය අසල, හපුතලේ බෙරගල මාර්ගය, බදුල්ල – පස්සර මාර්ගයේ තුනේ කණුව, බදුල්ල කදන හරහා ස්ප්‍රිංවැලි මාර්ගය, බදුල්ල පස්සර මාර්ගයේ 7 කණුව, බිබිල ලුනුගල මාර්ගයේ අරවාකුඹුර යන මාර්ග සහ අවහිර වී ඇති බව වර්තා වෙයි.
(සදරුවන් ප්‍රනාන්දු)
