නව රජයේ ක්‍රීඩා නියෝජ්‍ය අමාත්‍ය ධූරය ඔලිම්පික් සම්මානලාභි සුගත් තිලකරත්නට ලබා දී ඇත.
අද (21) සවස ජනාධිපති ලේකම් කාර්යාලයේ දී ජනාධිපතිවරයා අතින් ඔහු එම පත්වීම ලබාගෙන තිබේ.
ඒ අනුව මෙරට ඉතිහාසයේ ඔලිම්පික් ක්‍රීඩකයකු විසින් ක්‍රීඩා නියෝජ්‍ය අමාත්‍යධුරයක් ලබන පළමු අවස්ථාව ද මෙය වේ.
ජාතික ජන බලවේගය විසින් තම ජාතික ලැයිස්තු මන්ත්‍රීවරයකු ලෙස සුගත් තිලකරත්න තෝරා පත්කර ගන්නා ලදී.
(මානෙල් රත්නායක)
