නව රජයේ අමාත්‍ය මණ්ඩලය දිවූරුම් දීම අද (18) පෙරවරුවේ ජනාධිපති අනුර කුමාර දිසානායක ඉදිරියේ සිදුවිය.
වත්මන් රජයේ කැබිනට් මණ්ඩලය ඇමැති ධුර 21කින් සමන්විත අතර, ඒ අතරට පළමු වරට පාර්ලිමේන්තුව නියෝජනය කළ මන්ත්‍රීවරු බහුතරයක් සිටීම විශේෂත්වයකි.
අමාත්‍ය මණ්ඩලයට මහජන ඡන්දයෙන් තේරී පත් වූ මන්ත්‍රීවරු 15ක් සහ ජාතික ලැයිස්තු මන්ත්‍රීවරු 6ක් ඇතුළත්ව ඇත.
ඒ අනුව පළමුවෙන්ම අග්‍රාමාත්‍ය ධුරය වෙනුවෙන් ආචාර්ය හරිනි අමරසූරිය මෙනෙවිය ජනාධිපතිවරයා ඉදිරියේ දිවුරුම් දුනි.
ඒ අනුව නව අමාත්‍ය මණ්ඩලය පහතින් දැක්වේ.
01. අග්‍රාමාත්‍ය හරිනි අමරසූරිය – අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍යාංශය
02. විජිත හේරත් – විදේශ කටයුතු, විදේශ රැකියා සහ සංචාරක අමාත්‍ය
03. මහාචාර්ය චන්දන අබේරත්න – රාජ්‍ය පරිපාලන, පළාත් සභා සහ පළාත් පාලන අමාත්‍ය
04. නීතිඥ හර්ෂණ නානායක්කාර – අධිකරණ හා ජාතික ඒකාබද්ධතා අමාත්‍ය
05. සරෝජා සාවිත්‍රි පෝල්රාජ් – කාන්තා සහ ළමා කටයුතු අමාත්‍ය
06. කේ.ඩී. ලාල්කාන්ත – කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය
07. අනුර කරුණාතිලක – නාගරික සංවර්ධන, ඉදිකිරීම් සහ නිවාස අමාත්‍ය
08. රාමලිංගම් චන්ද්‍රසේකරන් – ධීවර, ඡලජ සහ සාගර සම්පත් අමාත්‍ය
09. මහාචාර්ය උපාලි පන්නලගේ – ග්‍රාමීය සංවර්ධන, සමාජ ආරක්ෂණ හා ප්‍රජාව සවිබලගැන්වීමේ අමාත්‍ය
10. සුනිල් හඳුන්නෙත්ති – කර්මාන්ත සහ ව්‍යවසායකත්ව සංවර්ධන අමාත්‍ය
11. ආනන්ද විජේපාල – මහජන ආරක්ෂක සහ පාර්ලිමේන්තු කටයුතු අමාත්‍ය
12. බිමල් රත්නායක – ප්‍රවාහන, මහාමාර්ග, වරාය සහ සිවිල් ගුවන්සේවා අමාත්‍ය
13. මහාචාර්ය සුනිල් සෙනෙවි – බුද්ධශාසන, ආගමික සහ සංස්කෘතික කටයුතු අමාත්‍ය
14. වෛද්‍ය නලින්ද ජයතිස්ස – සෞඛ්‍ය සහ ජනමාධ්‍ය අමාත්‍ය
15. සමන්ත විද්‍යාරත්න – වැවිලි සහ ප්‍රජා යටිතල පහසුකම් අමාත්‍ය
16 සුනිල් කුමාර ගමගේ – තරුණ කටයුතු හා ක්‍රීඩා අමාත්‍ය
17. වසන්ත සමරසිංහ – වෙළෙ ඳ, වානිජ, ආහාර සුරක්ෂිතතා සහ සමූපකාර සංවර්ධන අමාත්‍ය
18. මහාචාර්ය ක්‍රිෂාන්ත අබේසේන – විද්‍යා හා තාක්ෂණ අමාත්‍ය
19. මහාචාරය අනිල් ජයන්ත ප්‍රනාන්දු – කම්කරු අමාත්‍ය
20. ඉන්ජිනේරු කුමාර ජයකොඩි – බලශක්ති අමාත්‍ය
21 .වෛද්‍ය දම්මික පටබැඳි – පරිසර අමාත්‍ය
