ලොතරැයි දිනුමකින් ඩොලර් මිලියන 100ක ජයක් ලැබූ පුවතක් පිළිබදව ඔස්ට්‍රේලියාවෙන් වාර්තා වේ.
විදෙස් මාධ්‍ය වාර්තා කළේ එරට දිනුම් අදින ලද පවර්බෝල් (Powerball) ලොතරැයියේ ඩොලර් මිලියන 100ක පළමු ත්‍යාගය හිමිකර ගෙන ඇති බවයි.
මෙලෙස ලොතරැයි දිනුම හිමිකරගෙන ඇත්තේ සිඩ්නි පදිංචිකරුවෙකි.
විදෙස් මාධ්‍ය වාර්තා කර ඇත්තේ මෙම ලොතරැයි ජයග්‍රහණය ඔස්ට්‍රේලියානු ඉතිහාසයේ දෙවන විශාලතම ජයග්‍රහණය බවයි.
මීට පෙර ඔස්ට්‍රේලියානු ජාතිකයෙකු 2019 වසරේදී ඩොලර් මිලියන 107ක ලොතරැයි ජයග්‍රහණයක් හිමිකරගෙන ඇති අතර එය එරට විශාලතම ලොතරැයි ජය ලෙස සැලකෙයි.
තමන් ලද ලොතරැයි ජය සම්බන්ධයෙන් අදහස් දක්වමින් අදාළ පුද්ගලයා පවසා ඇත්තේ එම මුදල භාවිත කර නිවසක් මිලදී ගැනීම සිය පළමු අරමුණ බවය.
